آسف انا في حبي لك تسرعت

آسف انا في حبي لـك تسرعـت
ظنيت الاقـي فيـك شـيٍ فقدتـه
كنت احسبك مجروح مثلي تولعـت
جربت فرقى شخص قلبـك وهبتـه
كنت احسبك من مر جرحك تجرعت
حبيت فيك احساس طفـلٍ لمحتـه
لوقلت آآآه بوسط روحي توجعـت
ولو شفت دمعاتك شعوري سكبتـه
ولو تطلب اعيوني ابد ما تمنعـت
واعطيك قلبي لو بعـد مـا طلبتـه
وصلت بك.اعلى مكـان وتربعـت
وفي قلب غيري ياالغضي ماوصلته
واصبر على صدك واشوفك تدلعت
واعطيك ود ومـا اظنـك حسبتـه
اذهلتني بطباعك اللـي ...تطبعـت
حتى قصيدي فيك ابد مـا فهمتـه
لو كان غاياتك حروفي فانـا بعـت
وافرح بجرح الشاعر الي جرحتـه
وأرجوك من صدك تراني تشبعـت
خلك مع اللي عاجبـك او عجبتـه
يكفي قهر في جيتي لك تواضعـت
تركت غيرك لجـل عينـك وبعتـه
ياليتني عـن حـب مثلك..ترفعـت
ياليت قلبي قبـل اعرفـك دفنتـه
انا شريت الود والحين انـا بعـت
وانا عطيتك قلبـي اللـي قهرتـه
في يوم جيتك اطلبـك ود واقنعـت
نفسي بانك شخص عادي عرفتـه
كمل حياتك مثل مـا انـا توقعـت
تبقى اسير الماضي الـي فرضتـه
ولا يحزنك اني غلطان وتراجعـت
حولك بدالي ألف شخـصٍ عجبتـه
اما انا لا يمكن اخضـع ولا طعـت
يحرم علي اعطيـك قلـبٍ خذلتـه
غلطان يا المقفي انـا مـا تتبعـت
غيري يتابع خطوتـي مـا تبعتـه
ما ينحني راسي لو انـي تقطعـت
وما هو انا من لا رميتـه لقطتـه
وان كان غرك حكي عذالي وطعت
الله يعلـم كيـف قلبـي سكنـتـه
اللي مـلا قلبـك علـي وتسمعـت
خله يعوض شخص مثلي خسرتـه
باول لقا سلمتة احساسي وضعـت
غلطت حياتي يـوم قلبـي سلبتـه
واستسمحك فالبعد كانـي تراجعـت
ما عاد ابلقـى فيـك شـي فقدتـه
طبعك مثل غيرك وطبعي كما كنـت
احب شخص ولا تركته...تركته!!!
وان شفتني صدفة بعينـك تطلعـت
ذكرتني بـا نسـان غالـي فقدتـه

يسلموو خيتوو ..